ទូរស័ព្ទ

Oppo Reno5 Pro 5G ប្រកាសចេញលក់នៅថ្ងៃទី 18 ខែមករា នៅក្នុងប្រទេសឥណ្ឌា

ក្រោយទទួលបានភាពជោគជ័យទៅលើទីផ្សារស្មាតហ្វូនរបស់ខ្លួនយ៉ាងខ្លាំង ដែល Oppo តែងត្រូវបានគេទទួលស្គាល់ថាជាស្មាតហ្វូនកម្រិតថវិកា ប៉ុន្តែមានមុខងារល្អ ងាយស្រួលប្រើ និងមានកាមេរ៉ាថតស្អាត ហើយថ្មីៗនេះក្រុមហ៊ុន Oppo បានប្រកាសថាខ្លួននឹងដាក់លក់ស្មាតហ្វូនម៉ូដែលថ្មីគឺ Reno5 Pro 5G នៅប្រទេសឥណ្ឌានៅថ្ងៃទី 18 ខែមករាវេលាម៉ោង 12 ៈ 30 នាទីម៉ោងក្នុងស្រុក ផងដែរ។

ស្មាតហ្វូន Reno5 Pro 5G ដែលនឹងមកដល់ប្រទេសឥណ្ឌានឹងនាំមកនូវលក្ខណៈពិសេសមួយចំនួនដូចជា អេក្រង់កោង 90Hz និងការសាកថ្មកម្រិត 65W ។ ចំណុចដែលគួរឱ្យកត់សម្គាល់ និងលេចធ្លោសម្រាប់ម៉ូដែលនេះគឺ AI Highlight Video, Ultra Night Video និង Live HDR ផងដែរ។ ស្មាតហ្វូននេះនឹងចេញលក់ចំនួនពីរពណ៌ នៅក្នុងប្រទេសឥណ្ឌាគឺពណ៌ខៀ វនិងពណ៌ខ្មៅ។

ក្រុមហ៊ុន Oppo មិនទាន់បានបញ្ជាក់លម្អិតអំពីលក្ខណៈពិសេសនៃស្មាតហ្វូន Reno5 Pro 5G ជាសកលនៅឡើយទេប៉ុន្តែប្រសិនបើវាពិតជាដូចគ្នានឹងវ៉ារ្យ៉ង់ចិនអញ្ចឹងអ្នកអាចរំពឹងថានឹងមានអេក្រង់ទំហំ 6.55 អ៊ីញប្រភេទ FullHD + AMOLED ដែលមានប្រព័ន្ធស្កែនក្រយៅដៃ ហើយមកជាមួយនឹងប្រព័ន្ធប្រតិបត្តិការ Android 11 ស្រោបខ្លួនដោយ ColorOS 11.1 និងថាមពលថ្ម 4,350 mAh ។

Oppo Reno5 Pro 5G India launch set for January 18

សម្រាប់ការថតរូបនឹងមានកាមេរ៉ាសរុបចំនួន 5 នៅលើនោះគឺកាមេរ៉ាថតរូប Selfie ទំហំ 32 មេហ្គាភិចស៊ែលដែលបានបង្កប់នៅលើអេក្រង់និងកាមេរ៉ាក្រោយទំហំ 64 មេហ្គាភីចសែលភ្ជាប់មកជាមួយកាមេរ៉ាទំហំ 8 មេហ្គាភិចស៊ែលសម្រាប់ថតរូបបែប Ultrawide កាមេរ៉ាទំហំ 2 មេហ្គាភិចស៊ែលសម្រាប់ថតរូបបែបព្រាលផ្នែកខាងក្រោយ និង 2 មេហ្គាភិចស៊ែល សម្រាប់ថតរូបបែប Macro។

កាលបញ្ជាក់ខាងលើជាការចេញលក់ជាផ្លូវការនូវ ស្មាតហ្វូន Reno5 Pro 5G នៅប្រទេសឥណ្ឌា ខណៈនៅកម្ពុជាមិនទាន់មានការបញ្ជាក់កាលបរិចេ្ឆទចេញលក់ច្បាស់លាស់នៅឡើយទេ នេះបើតាមទំព័រ ហ្វេសប៊ុកផ្លូវការរបស់ក្រុមហ៊ុន Oppo៕

oppo reno 5: Oppo Reno5, Reno5 Pro smartphones to launch on December 10 -  Latest News | Gadgets Now
Related posts
ទូរស័ព្ទ

Realme 8 5G នឹងចេញលក់នៅថ្ងៃទី ២១មេសា ជាមួយកាមេរ៉ា ៣៨ MP ហើយអាចប្ដូរឈ្មោះជា V13 5G

ទូរស័ព្ទ

Google Pixel 5a 5G នឹងចេញលក់នៅសហរដ្ឋអាមេរិក និងជប៉ុននៅចុងឆ្នាំនេះ ខណៈដែលនៅតំបន់ផ្សេងទៀតត្រូវបានលុបចោល

ទូរស័ព្ទ

OnePlus 9R នឹងមកដល់ទីផ្សារប្រទេសចិននៅថ្ងៃទី ១៥ ខែមេសា

ទូរស័ព្ទ

លេចធ្លាយព័ត៌មានលម្អិតពី Samsung Galaxy Quantum2 ដែលគេស្គាល់ថាជា Galaxy A82

Leave a Reply

Your email address will not be published. Required fields are marked *