ស្មាតហ្វូនស៊េរី OnePlus 9 ទាំងអស់នឹងមកដល់នៅថ្ងៃទី ២៣ ខែមីនាហើយនៅថ្ងៃនេះក្រុមហ៊ុនបានបង្ហាញព័ត៌មានលម្អិតសំខាន់ៗអំពីបន្ទះបង្ហាញរបស់ស្មាតហ្វូននេះ។ យោងតាមការផ្សព្វផ្សាយរបស់ប្រព័ន្ធផ្សព្វផ្សាយសង្គម Weibo ផ្លូវការរបស់ OnePlus បន្ទះបង្ហាញនេះនឹងប្រើប្រភេទ LTPO ជាមួយមុខងារផ្លាស់ប្តូរកម្រឹត refresh rates ពី 5Hz ទៅដល់ 120Hz ។ គុណភាពបង្ហាញនៃអេក្រង់ត្រូវបានគេហៅថាមានកម្រឹត 2K+ ដែលនេះជាវិធីដែលក្រុមហ៊ុនចិនច្រើនតែធ្វើអោយមានការភាន់ច្រលំដោយមិនបានបញ្ជាក់ថាមានកម្រឹត QHD + ឬ 1440p ។
យើងរំពឹងថានឹងបានឃើញទាំង OnePlus 9 និង OnePlus 9 Pro ភ្ជាប់មកជាមួយនូវបច្ចេកវិទ្យាអេក្រង់ថ្មីដូច Oppo បានភ្ជាប់មកជាមួយស៊េរី Find X3 របស់ខ្លួន។ បន្ទាប់ពីបានដឹងថាវាមានភាពស្រដៀងគ្នាជាច្រើនរវាងគំរូស្មាតហ្វូនទាំងនេះរួមទាំងការពិតដែលចេញពីរោងចក្រតែមួយនោះ។ យីហោទាំងពីរនេះក៏ជាផ្នែកមួយនៃក្រុមហ៊ុនតែមួយដូចគ្នាផងដែរ។
ទោះយ៉ាងណាមិនដូចជាក្រុមហ៊ុន Oppo ទេក្រុមហ៊ុន OnePlus ពិតជាបានសំរេចចិត្តធ្វើតេស្តិ៍លើអេក្រង់ដោយប្រើវិធីសាស្រ្ត DisplayMate ហើយទទួលបាននិទ្ទេស A+ ផងដែរ ។ វាមិនមែនជារឿងគួរឱ្យភ្ញាក់ផ្អើលទេដែលបន្ទះបង្ហាញនេះពិតជាល្អ ព្រោះតាមលក្ខណៈបច្ចេកទេសវាមានបន្ទះ 10bit ពិតមួយដែលមាន 1 ពាន់លានពណ៌ព្រមទាំងមានការប្លាស់ប្តូរពន្លឺដល់ 8192 កម្រឹតផងដែរ។
លើសពីនេះទៅទៀតបន្ទះបង្ហាញអេឡិចត្រូនិច LTPO OLED របស់ក្រុមហ៊ុន Samsung គឺមានប្រសិទ្ធភាពថាមពលច្រើនជាង AMOLED ធម្មតាដែលធ្វើឱ្យការប្រើប្រាស់ថាមពលថ្មកាន់តែតិច។
នៅសល់ ៧ ថ្ងៃទៀតរហូតការប្រកាសចេញមកដល់ប៉ុន្តែជាមួយនឹងការផ្សព្វផ្សាយជាផ្លូវការនាពេលបច្ចុប្បន្ននេះយើងនឹងដឹងអ្វីៗទាំងអស់ពី OnePlus 9 ស៊េរីថ្មីនៅពេលដែលព្រឹត្តិការណ៍បង្ហាញចាប់ផ្តើម។ អ្វីដែលយើងរំពឹងនឹងរៀននៅពេលនោះគឺតម្លៃ ហើយក៏មានពាក្យចចាមអារ៉ាមថាអាចនឹងមានស្មាតហ្វូនលំដាប់កណ្តាលស៊េរី OnePlus 9E / 9R ប៉ុន្តែយើងមិនទាន់ដឹងថាពាក្យចចាមអារ៉ាមនោះត្រឹមត្រូវរឺក៏យ៉ាងណានោះទេ។