Samsung នឹង Adidas កំពុងសហការគ្នាដើម្បីផលិតម៉ូដែល Galaxy Buds Pro Stan Smith special edition ដែលមាននៅលើស្បែកជើងកីឡាវាយ tennis ។ កាសត្រចៀកឥតខ្សែរ Galaxy Buds Pro នេះភ្ជាប់មកនៅក្នុងប្រអប់ពណ៌សនិងបៃតងជាមួយនឹងចំនួនមានកំណត់ហើយក្នុងរូបរាងជាមួកយ៉ាងស្រស់ស្អាត។ វាក៏មានគូប៉ុងមួយនៅក្នុងប្រអប់ដើម្បីទិញស្បែកជើងប៉ាតា Stan Smith ថ្មីដែលមានលក្ខណៈពិសេសរបស់ Adidas ម៉ូដែល Primegreen ដែលផលិតពីវត្ថុធាតុដើមកែច្នៃផងដែរ។
ប្រអប់របស់ Galaxy Buds Pro limited edition ត្រូវបានផលិតចេញពីវត្ថុធាតុដើមដែលត្រូវបានកែច្នៃស្របតាមការខិតខំប្រឹងប្រែងថ្មីៗរបស់ក្រុមហ៊ុន Adidas ក្នុងការកាត់បន្ថយកាកសំណល់។ អ្នកប្រើប្រាស់ក៏នឹងទទួលបាន theme Adidas Originals ផ្ទាល់ខ្លួនដែលបានផ្តល់អោយទៅលើទូរស័ព្ទ Galaxy របស់ពួកគេនៅពេលដែលកាសត្រចៀកឥតខ្សែរ Galaxy Buds Pro នេះត្រូវបានភ្ជាប់។
កាសត្រចៀកឥតខ្សែរម៉ូដែល Galaxy Buds Pro Stan Smith នេះនឹងចេញលក់នៅប្រទេសកូរ៉េខាងត្បូងនៅថ្ងៃទី ៧ ខែមេសាវេលាម៉ោង ៧: ៣០ នាទីយប់ម៉ោងនៅក្នុងស្រុក។ តម្លៃរបស់វាត្រូវបានកំណត់ត្រឹម ២៧៩,០០០ វ៉ុនដែលស្មើនឹង ២៤៩ ដុល្លារ។