Smart Monitor របស់ក្រុមហ៊ុន Samsung កំពុងត្រូវបានពង្រីកបន្ថែម។ បន្ទះបង្ហាញរបស់កុំព្យូទ័រឆ្លាតវៃក្នុងប្រព័ន្ធដំណើរការ Tizen របស់ក្រុមហ៊ុនឥឡូវនេះរួមមានម៉ូឌែល 4K M7 ទំហំ 43 អ៊ីញនិងម៉ូឌែល M5 កម្រិត 1080p ទំហំ 24 អ៊ីញដែលវាជាការសម្គាល់ Smart Monitor ដែលធំជាងគេនិងតូចជាងគេបង្អស់ដែលត្រូវបានដាក់ឱ្យប្រើរហូតមកដល់បច្ចុប្បន្ន។
Samsung បានណែនាំ Smart Monitor កាលពីឆ្នាំមុនហើយបាននិយាយថាវាជាអេក្រង់ដែលត្រូវបានរចនាឡើងសម្រាប់ទាំងការងារនិងការកម្សាន្ត។ អេក្រង់នេះមានឧបករណ៍បំពងសម្លេងដែលភ្ជាប់មកស្រាប់និងមានមុខងារទូរទស្សន៍ឆ្លាតវៃតាមរយៈប្រព័ន្ធដំណើរការ Tizen របស់ក្រុមហ៊ុន Samsung មានន័យថាអ្នកអាចដំណើរការកម្មវិធីវីដេអូដូចជា Netflix ដោយផ្ទាល់នៅលើឧបករណ៍នេះក៏ដូចជាការចូលប្រើកុំព្យូទ័រលើតុពីចម្ងាយនិងកម្មវិធីផលិតភាពដូចជា Office 365 ជាដើម។ Smart Monitor នេះមានឧបករណ៍បញ្ជាពីចំងាយដែលធ្វើការជាមួយជំនួយការ Alexa, Google Assistant និង Bixby ហើយក៏មានការគាំទ្រឥតខ្សែផងដែរសម្រាប់បច្ចេកវិទ្យា DeX របស់ Samsung ដែលដំណើរការលើស្មាតហ្វូន Galaxy ។
ស៊េរី M7 ឥឡូវនេះរួមបញ្ចូលទាំងជំរើស 4K ទំហំ 43 អ៊ីញនិង 32 អ៊ីញ។ ស៊េរី M5 ប្រើបន្ទះបង្ហាញ 1080p និងភ្ជាប់មកជាមួយទំហំ 24 អ៊ីញ 27 អ៊ីញនិង 32 អ៊ីញ។ Samsung ក៏កំពុងណែនាំម៉ូឌែល M5 Smart Monitor ពណ៌សទំហំ 27 អ៊ីញនិង 32 អ៊ីញផងដែរ។
Samsung មិនបានប្រកាសពីតម្លៃសម្រាប់ម៉ូឌែលថ្មីនៅឡើយទេប៉ុន្តែតាមរបាយការណ៍សម្រាប់ម៉ូឌែល M7 ទំហំ 32 អ៊ីញត្រូវបានដាក់លក់ក្នុងតម្លៃ 399.99 ដុល្លារខណៈម៉ូឌែល M5 ទំហំ 27 អ៊ីញមានតម្លៃ 229.99 ដុល្លារដូច្នេះយើងប្រហែលជារំពឹងថាតម្លៃខាងលើនិងទាបជាងនេះបន្តិច។